Urdu bite : February 2017

Monday, 27 February 2017

پھولوں کو لمبے عرصے تک تروتازہ رکھنے کیلئے سائنسدانوں نے انتہائی ٖغلیظ مگر موثر طریقہ بتادیا

تہران (مانیٹرنگ ڈیسک) پھولوں کو تازہ رکھنے کے لئے ان پر پانی چھڑکنے کا طریقہ تو عام استعمال کیا جاتا ہے لیکن ایرانی سائنسدانوں نے ایک تحقیق میں معلوم کیا ہے کہ پھولوں پر پیشاب کے چھڑکاﺅ سے انہیں تازہ رکھنے کا رودانیہ دو گنا کیا جاسکتا ہے۔

آزادیونیورسٹی کرج اور یونیورسٹی آف تہران کے سائنسدانوں نے کٹے ہوئے پھولوں پر پیشاب کے اثرات جاننے کے لئے متعدد تجربات کئے۔ ان تجربات سے معلوم ہوا کہ جو پھول صرف پانی میں رکھنے سے تقریباً ایک ہفتہ تازہ رہ سکتے ہیں انہیں پیشاب کے استعمال سے تقریباً دو ہفتے تک تازہ رکھا جاسکتا ہے۔
سائنسدانوں کا کہنا ہے کہ پیشاب میں پایا جانے والا یوریا نائٹروجن فراہم کرتا ہے جو کہ پھولوں کی ڈنڈیوں میں جذب ہوکر انہیں خوراک فراہم کرتی ہے اور یہی وجہ ہے کہ یہ طویل عرصے تک تازہ رہتے ہیں۔

نوکیا نے اپنا پرانا ’ہتھیار‘ نئے انداز میں متعارف کروانے کا فصلہ کر لیا،نوکیا 3310 کی ایسی دلکش تصاویر سامنے آ گئیں کہ آپ نہ چاہتے ہوئے بھی خریدنے کیلئے لپکیں گے

بارسلونا(ڈیلی پاکستان آن لائن)موبائل فون بنانے والی معروف کمپنی نوکیا نے 3310کے نئے ماڈل کی تصاویر جاری کردی ہیں،اس ماڈل کی یہ تصاویر موبائل ورلڈ کانگریس بارسلونا کی تقریب میں پیش کی گئی ہیں،۔

کمپنی کے سی ای او آرٹو نمیلا نے نمائش کے دوران گفتگو میں کہا ہے کہ نوکیا 3310بہت جلد مارکیٹ میں آرہا ہے اور اس کی قیمت 52امریکی ڈالر رکھی ہے جو پاکستانی5450روپے بنتے ہیں،یہ ماڈل بہت مشہور ہے اور استعمال بھی بہت ہوا ہے،ایسے لگتا ہے کمپنی ایک بار پھر صارفین کو سمارٹ فون سے واپس کی پییڈ کی طرف مائل کرنا چاہتی ہے۔

کمپنی کا کہنا ہے کہ اس ماڈل کو رواںسال کے آخر میں مارکیٹ میں لایا جائے گا،اس کو فوکسکن کی مدد سے تیار کیا جائے گا۔ نوکیا نے دنیا بھر میں 10کروڑ 3310موبائل فون فروخت کرنے کا ہدف مقرر کیا ہے۔

Saturday, 25 February 2017

پاکستان سپر لیگ: پنجاب حکومت نے فائنل میچ لاہور میں کرانے کیلئے انتظامات شروع کردیے ، کھلاڑیوں کو صدر کے برابر سیکیورٹی دی جائیگی

لاہور (ڈیلی پاکستان آن لائن ) لاہور میں پاکستان سپر لیگ کے فائنل میچ کے حوالے سے پنجاب حکومت نے انتظامات شروع کر دیے اور کھلاڑیوں کو صدر کے برابر سیکیورٹی دی جائے گی ۔

نیو نیوز کے مطابق پنجاب حکومت نے پاکستان سپر لیگ کا فائنل میچ قذافی سٹیڈیم میں کرانے کے حوالے سے انتظامات شروع کر دیے ہیں اور اس روز سٹیڈیم میں پاک فوج ، رینجرز اور پولیس اہلکار سٹیڈیم میں سیکیورٹی کے فرائض سر انجام دیں گے ۔

ذرائع کا کہنا ہے کہ حکومت کی جانب سے فیصلہ کیا گیا ہے کہ 3سے 5مارچ کے دوران قذافی سٹیڈیم میں دکانوں کو بند رکھا جائے گا جبکہ شائقین کو 4مختلف مقامات سے گزر کر سٹیڈیم جانے کی اجازت ہو گی ۔

اب کوئی بھی آپ کو نامعلوم نمبر سے فون کر کے تنگ نہیں کر سکتا کیونکہ۔۔۔

کیا آپ کو کبھی کسی نامعلوم نمبر سے کوئی ان چاہی کال موصول ہوئی اور آپ نے سوچا کہ یہ کون ہے؟ اس بات کا قوی امکان ہے کہ ایسا ضرور ہوا ہو گا۔ صارفین اب ٹروکالر (Truecaller) ایپ کے ذریعے معلوم کرسکتے ہیں کہ انہیں کون کال کر رہا ہے۔ یہ ایپ فون کال موصول کرنے کا طریقہ ہی بدل دے گی۔
اس ایپ کو اب 25 کروڑ سے زائد افراد استعمال کررہے ہیں اور یہ ہر ماہ پاکستان میں 30 لاکھ سے زائد کالز کو بلاک کرتی ہے۔ یہ ایپ ٹیلی مارکیٹنگ اور بلینک کالز جیسی نامعلوم اور ان چاہی کالز اور صارفین کو بلاک کرتی ہے۔
اس کا نیا ”کال می بیک فیچر“ بھی بے حد مفید ہے۔ اگر آپ کے پاس موبائل فون بیلنس نہیں ہے تو پریشانی کی بات نہیں۔ جب ایک صارف دوسرے کو کال کرنے کی کوشش کرتا ہے لیکن نمبر مصروف ملتا ہے یا کال رد کردی جاتی ہے یا کسی بھی وجہ سے کال ممکن نہیں ہوپاتی، تو کال می بیک فیچر دوسرے صارف کو یاد دہانی کرواتا ہے کہ اسے واپس کال کرنی ہے۔ نیا فیچر فی الحال صرف اینڈرائڈ کے لئے دستیاب ہے۔
ٹروکالر ایپ کی مدد سے آپ یہ سب کرسکتے ہیں:
کالر آئی ڈی: جانئے کہ کون آپ کو کال کررہا ہے، اگرچہ اس کا نمبر آپ کی فون بک میں نہ بھی ہو۔
بلاک کالز: ان چاہی کالرز اور نامعلوم کالرز کو بلاک اور رپورٹ کریں، تاکہ دوسرے بھی ان سے بچ سکیں۔
نمبر اینڈ نیم لاک اپ: کسی بھی نمبر کو تلاش کیجئے، چاہے یہ مقامی ہو یا دنیا میں کہیں بھی، اور جانئے کہ اس کا تعلق کس کے ساتھ ہے ۔ ٹرو کالر صارفین کو صرف نمبر ٹائپ کرنا ہوگا، اور پھر وہ نمبر کو مسڈ کال سے کاپی اور پیسٹ کرسکتے ہیں، یا اسے سرچ بار میں خود ٹائپ کرسکتے ہیں۔ اگر ٹروکالر کو اس نمبر کا میچ مل گیا تو صارف اس کی معلومات دیکھ سکے گا۔ صارفین کسی نام کی تلاش بھی کرسکتے ہیں اور پھر اس کونٹیکٹ کی مزید تفصیلات دیکھنے کے لئے اس نمبر کے مالک کو ’کونٹیکٹ ریکوئسٹ‘ بھی بھیج سکتے ہیں۔ کال بیک کی درخواست کیجئے: ریسیور کو نوٹیفکیشن بھیجا جائے گاکہ وہ کال بیک کرے۔
ٹروکالر ڈاﺅن لوڈ کیجئے: http://www.truecaller.com/download

کیا آپ کو کبھی کسی نامعلوم نمبر سے کوئی ان چاہی کال موصول ہوئی اور آپ نے سوچا کہ یہ کون ہے؟ اس بات کا قوی امکان ہے کہ ایسا ضرور ہوا ہو گا۔ صارفین اب ٹروکالر (Truecaller)

ایپ کے ذریعے معلوم کرسکتے ہیں کہ انہیں کون کال کر رہا ہے۔ یہ ایپ فون کال موصول کرنے کا طریقہ ہی بدل دے گی۔
اس ایپ کو اب 25 کروڑ سے زائد افراد استعمال کررہے ہیں اور یہ ہر ماہ پاکستان میں 30 لاکھ سے زائد کالز کو بلاک کرتی ہے۔ یہ ایپ ٹیلی مارکیٹنگ اور بلینک کالز جیسی نامعلوم اور ان چاہی کالز اور صارفین کو بلاک کرتی ہے۔
اس کا نیا ”کال می بیک فیچر“ بھی بے حد مفید ہے۔ اگر آپ کے پاس موبائل فون بیلنس نہیں ہے تو پریشانی کی بات نہیں۔ جب ایک صارف دوسرے کو کال کرنے کی کوشش کرتا ہے لیکن نمبر مصروف ملتا ہے یا کال رد کردی جاتی ہے یا کسی بھی وجہ سے کال ممکن نہیں ہوپاتی، تو کال می بیک فیچر دوسرے صارف کو یاد دہانی کرواتا ہے کہ اسے واپس کال کرنی ہے۔ نیا فیچر فی الحال صرف اینڈرائڈ کے لئے دستیاب ہے۔
ٹروکالر ایپ کی مدد سے آپ یہ سب کرسکتے ہیں:
کالر آئی ڈی: جانئے کہ کون آپ کو کال کررہا ہے، اگرچہ اس کا نمبر آپ کی فون بک میں نہ بھی ہو۔
بلاک کالز: ان چاہی کالرز اور نامعلوم کالرز کو بلاک اور رپورٹ کریں، تاکہ دوسرے بھی ان سے بچ سکیں۔
نمبر اینڈ نیم لاک اپ: کسی بھی نمبر کو تلاش کیجئے، چاہے یہ مقامی ہو یا دنیا میں کہیں بھی، اور جانئے کہ اس کا تعلق کس کے ساتھ ہے ۔ ٹرو کالر صارفین کو صرف نمبر ٹائپ کرنا ہوگا، اور پھر وہ نمبر کو مسڈ کال سے کاپی اور پیسٹ کرسکتے ہیں، یا اسے سرچ بار میں خود ٹائپ کرسکتے ہیں۔ اگر ٹروکالر کو اس نمبر کا میچ مل گیا تو صارف اس کی معلومات دیکھ سکے گا۔ صارفین کسی نام کی تلاش بھی کرسکتے ہیں اور پھر اس کونٹیکٹ کی مزید تفصیلات دیکھنے کے لئے اس نمبر کے مالک کو ’کونٹیکٹ ریکوئسٹ‘ بھی بھیج سکتے ہیں۔ کال بیک کی درخواست کیجئے: ریسیور کو نوٹیفکیشن بھیجا جائے گاکہ وہ کال بیک کرے۔
ٹروکالر ڈاﺅن لوڈ کیجئے:

http://www.truecaller.com/download

پاکستان کا ہر فرد پیدائشی طور پر 1 لاکھ 15 ہزار روپے تک کا مقروض ہے‘ رپورٹ

لاہور( این این آئی)پاکستان کا ہر فرد پیدائشی طور پر 1 لاکھ 15 ہزار روپے تک کا مقروض ہے، ملکی مجموعی قرضوں کا حجم 23ہزار ارب روپے سے تجاوز کر گیا ۔رپورٹ کے مطابق پاکستان پر مجموعی قرضے میں 8ہزار ارب روپے کا بیرونی جبکہ 15ہزار ارب روپے کا مقامی قرضہ شامل ہے۔

00:00/00:00Untitled Video

سال 2017ءسے 2020ءکے دوران پاکستانی بانڈز کی مدت معیاد مکمل ہونے پر حکومت 2 ارب 75 کروڑ ڈالر ادا کرنے کی پاپند ہو گی۔ دوسری جانب آئندہ دو سال کے دوران ہی پیرس کلب اور آئی ایم ایف کے قرضوں کی ادائیگیاں بھی شروع ہو جائیں گی۔ واضح رہے کہ پیرس کلب کے 11ارب 70کروڑ ڈالر کے قرضوں کو 2001ءمیں ری شیڈول کیا گیا تھا۔رپورٹ کے مطابق پاکستان کا ہر فرد پیدائشی طور پر 1لاکھ 15ہزار روپے تک کا مقروض ہے۔

”میں نے آئی فون 7 چارجنگ سے اتارا اور ڈریسنگ پر رکھ دیا لیکن اچانک۔۔۔“ ایسی ویڈیو منظرعام پر آ گئی کہ ایپل کو شدید جھٹکا لگ گیا، اینڈرائڈ صارفین خوشی سے جھوم اٹھے

ایریزونا(ڈیلی پاکستان آن لائن) سام سنگ کے نوٹ 7 کے پھٹنے اور آگ لگنے کے واقعات پر آئی فون صارفین نے اینڈرائیڈ بالخصوص سام سنگ صارفین کا خوب مذاق اڑایا تھا تاہم اب یہ معاملہ بالکل الٹ ہو گیا ہے کیونکہ اب آئی فون 7 پلس کے پھٹنے اور دھواں نکلنے کا واقعہ پیش آ یا ہے جس پر اینڈرائڈ صارفین نے سوشل میڈیا پر اودھم مچا دیا ہے۔

تفصیلات کے مطابق ایپل کمپنی نے سوشل میڈیا پر وائرل ہونے والی ایک ایسی ویڈیو کی تحقیقات شروع کر دی ہیں جس میں ایک آئی فون 7 پلس میں سے دھواں نکلتے دکھایا گیا ہے ۔ ویڈیو وائرل ہونے پر جہاں ایپل کمپنی تشویش کا شکار ہو گئی ہے تو وہیں اینڈرائڈ صارفین کی ”خو شی“ کا ٹھکانہ نہیں رہا ہے۔
ذرائع کے مطابق 18 سالہ ٹوئٹر صارف برائنا اولیوس نے ٹوئٹر اکاﺅنٹ پر اپنے آئی فون 7 پلس کی ویڈیو شیئر کی ہے جس میں دیکھا جا سکتا ہے کہ اس میں سے دھواں نکل رہا ہے۔ ویڈیو دیکھ کر بظاہر یوں لگتا ہے کہ آئی فون پہلے دھماکے سے پھٹا اور پھر اس میں سے دھواں نکلنا شروع ہو گیا۔ یہ ویڈیو اپ لوڈ ہونے کے بعد تقریباً 30 ہزار مرتبہ ری ٹویٹ کی گئی اور بالآخر ایپل کمپنی تک بھی جا پہنچی جس نے تحقیقات کا آغاز کر دیا ہے۔

اولیوس نے غیر ملکی خبر رساں ادارے کو بتایا کہ اس نے یہ فون جنوری میں خریدا تھا اور بالکل صحیح کام کر رہا تھا کہ ایک صبح جب اسے چارجنگ سے اتار کر ڈریسنگ ٹیبل پر رکھا تو اس میں سے عجیب سے آوازیں آنا شروع ہو گئیں اور یہ انتہائی گرم ہو گیا۔ اولیوس نے بتایا کہ ایسا ہونے پر اس کے بوائے فرینڈ نے فون اٹھا کر باتھ روم میں پھینکا اور یہ پھٹ گیا جس کے بعد اس میں سے مزید دھواں نکلنا شروع ہو گیا۔

ایپل کمپنی کے ایک ترجمان کا کہنا ہے کہ یہ معاملہ نظر میں آتے ہی مذکورہ صارف کا فون تبدیل کر کے واقعے کی تحقیقات بھی شروع کر دی گئی ہیں۔ ایک جانب ایپل کمپنی تشویش کا شکار ہے تو دوسری جانب اینڈرائڈ صارفین اس پر بہت خوشی کا اظہار کر رہے ہیں اور طرح طرح سے اپنے جذبات کا اظہار بھی کر رہے ہیں۔ ذیل میں دی گئی چند ٹویٹس سے آپ بھی اندازہ کر سکتے ہیں کہ کس طرح یہ حادثہ دو مخالف کمپنیوں کے مداحوں کادلچسپ ”جھگڑا“ بن گیا۔