فواد خان ایک بار پھر پاکستانی مداحوں کی دھڑکنوں کو تیز کرنے کیلئے تیار،حیران کن تصاویر سامنے آ گئیں

• 
• 

لاہور(ڈیلی پاکستان آن لائن )پاکستانی اداکار فواد خان نے اپنی اداکاری اور خوبصورتی کے باعث بھار ت میں تو بہت نام کمایا تاہم اب انہوں نے پاکستان میں واپس شائقین کی دلوں کی دھڑکنوں کو تیز کرنے کیلئے فلم کیلئے کام شروع کر دیاہے ،فلم میں کردار کے حوالے سے انہوں نے اپنے جسم اور چہرے کو بھی اسی کردار کے مطابق ڈھالنا شروع کر دیاہے۔اس تبدیلی نے ان کے مداحوں کو بھی حیرت زدہ کر دیاہے۔

تفصیلات کے مطابق فواد خان وار فلم کے ڈائریکٹر بلال لاشاری کی نئی فلم کے کردار میں ڈھلنے کیلئے سرگرم نظر آ رہے ہیں جس فلم کا نام ممکنہ طور پر مولا جٹ ہے تاہم فلم کے نام کا حتمی اعلان ابھی سامنے نہیں آ سکاہے،اس فلم کیلئے فواد کی انتہائی حیرت انگیز اور خوبصورت تصاویر سامنے آ گئی ہیں جوکہ ان کے ساتھی اداکار میکال ذوالفقار نے اپنے ٹویٹر اکاﺅنٹ پر جاری کیں جس میں انہوں نے داڑھی اور بال بڑھا رکھے ہیں ۔تصاویر اس چیز کو واضح کرتے ہیں کہ فواد خان کردار میں آدھا ڈھل چکے ہیں اور جلد ہی پوری طرح سے کردار میں نظر آئیں گے۔

بلال لاشاری نے فیس بک پر جاری پیغام میں کہا تھا کہ وہ حمزہ علی عباسی اور فواد خان کے ساتھ فلم بنا رہے ہیں لیکن وہ مولاجٹ کا سیکول نہیں ہے ،اس کی کہانی بالکل مختلف اور نئی ہے ۔ابھی تو صرف فواد خان کی جسمانی تبدیلی عوام کے سامنے آئی ہے جبکہ ابھی تو اس سے بھی زیادہ حیران کن چیزیں تب سامنے آئیں جب فواد خان مولاجٹ اور حمزہ نوری نتھ کا کردار نبھاتے ہوئے نظر آئیں گے۔