آدمی نے اپنا آئی فون 7 دنیا کی بلند ترین عمارت سے پھینک دیا، پھر نیچے جا کر دیکھا تو کس حالت میں تھا؟ جان کر آپ بھی دنگ رہ جائیں گے

• 
• 

لاہور (ڈیلی پاکستان آن لائن) مارکیٹ میں کوئی بھی نیا سمارٹ فون بالخصوص مشہور کمپنیوں کے فلیگ شپ فون آنے پر صارفین انہیں کئی طرح کے امتحانات سے گزارتے ہیں جن میں واٹر پروف، ڈراپ ٹیسٹ، پرفارمنس ٹیسٹ وغیرہ شامل ہوتے ہیں۔ لیکن کچھ ایسے افراد بھی ہوتے ہیں جو اس طرح کے ٹیسٹ کو انتہائی درجے پر لے جاتے ہیں کہ دیکھنے والے کو یقین ہی نہیں آتا۔

ایک یوکرینی شخص نے نئے آئی فون 7 پلس کے ساتھ بھی کچھ ایسا ہی کیا اور اسے ڈراپ ٹیسٹ کیلئے ایک، دو یا تین میٹر نہیں بلکہ 829 میٹر کی بلندی سے گرا دیا اور اس کام کیلئے دنیا کی بلند ترین عمارت برج خلیفہ کا انتخاب کیا۔ ٹیسٹ کرنے والا شخص اگرچہ یہ جانتا تھا کہ اتنی بلندی سے گرانے کے بعد اسے اپنے فون کا ایک پرزہ تک بھی نہیں ملے گا لیکن تجسس کے ہاتھوں مجبور ہو کر اس نے اپنے ارادے کو عملی جامہ پہنانے کی ٹھان ہی لی اور اسے کیمرے کی آنکھ میں محفوظ بھی کر لیا۔

مندرجہ ذیل ویڈیو میں آپ بھی دیکھ سکتے ہیں کہ 829 میٹر کی بلندی سے گرانے کے بعد آئی فون کے ساتھ کیا ہوا اور پھر اسے تلاش کرنے کی کوشش کی گئی تو جی پی ایس سسٹم مکمل طور پر ناکام ہو گیا۔